مجموعة مميزة من الابوذيات

موضوع: مجموعة مميزة من الابوذيات 11/29/2011, 10:51 am

محبتك كهربتني شارة بيهه
وحجه كلبي وية عقلي شارة بيهه
محبتك جنهه سيد شارة بيهه
اعلة غيرك باوعت شورت بيه

ماتنطق صمت قاتل صمتلاك
وحجر سجيل بجفوفي صمتلاك
اول يوم عيد الله صمتلاك
وجت لعنة محمد ترس بيه

جمع ربك غزالة وي نمربيك
وادور وينة شهدك وينة مربيك
مر بيه تكلي وين امربيك
امر اشلون بيك وانتة بيه

انة الشديت جرحك ليش حليت
ومثل حلت مدارس علي حليت
ذكرتك بمتحان وغلط حليت
شجاوب وانتة شاغل حتى ادية

عليك القيت حجة ولقي يامة
ويامة براسك احجي ولقي يامة
تدري الحشر يمتة والقيامة
القيامة والحشر زعلك علية

شسويلة العشك ياكلب لوذاك
وين اتلوذ بيمن بعد لوذاك
ردت من ماعرفتك لوذاك
الى ان بدلو كلهم علية

قضية اسمك على اسمك ماشي خطنة
وازدحام احنة اعلة دربك ماشي خطنة
اشتضن من كد حلاتك ماشخطنة
اليشوفك ينشخط مية بالمية

ابني قصور ابد لتضن بنادام
انجرحنة لجن مابين بنادم
ابن حوة مو شرط يطلع بنادم
اذا حوة اطلعت موش آدمية

هذه الابوذيات لعدة شعراء
والاغلب للشاعر
عبد الحسين الحلفي