ساكت ياوطن ......

موضوع: ساكت ياوطن ...... 11/29/2011, 1:21 pm

[size=25][size=21]ساكت ياوطن والحرگَه تاكل بيك ...لو خايف بعد والسكته من خوفك

من حرب لحرب جبنه العمر وياك... من اكل الجثث ما ينترس جوفك

مابيك الذنب گول الذنب چا وين ...يمكن نعتذر لو نفهم اظروفك

چنت المدرسه وبيك الشعب طلاب.... وبس دگ الجرس شو فارغه اصفوفك

تقبل ياوطن؟يرضيك هذا الحال.... ناسك للأسف تتراكض اتعوفك

وتقبل ياوطن؟ شبابك الحلوين.... تتغرب غصب تحرمهه من شوفك

جاوب لا تظل ساكت يبو الثورات.... عشرينك بعدهه اتعيش بطيوفك

من طور الحزن ملينه ما ملّيت?..... چا طور الفرح ما تعزف ادفوفك?

ما اريد الفرح بس كون اريدك سيف.... موعيب بغمده اتنامهه اسيوفك

وبايگ ما صرت ما خاف من جلاد..... مو هذا شعارك هذه معزوفك

چاشنهو التغير؟يا عراق شبيك.... ثار حسين ذمه بشيبة ازلوفك

شعبك من عطش رادك مثل عباس.... يعني حسين شعبك وارضه اله اطفوفك

لكن للأسف ماكوا مثل عباس .....ومانوصل عشر ياحسين لحروفك

ونعتب ياوطن من حبنه الك والله..... شفناك النهر عطشان بجروفك

ومن انصحك لأن صدگنه كلنا اخطاء..... يا بيت الكرم نتسمّه بضيوفك

اصفن ويه نفسك راح تعرف زين .....لو ما تنتفض چا ضاع معروفك

عذراً يا وطن بس ثور حتى نثور .....لو تگضي العمر والقيد بچفوفك
[/size][/size]